سلمى قربال: صحفية متدربة
صدم الفنان المصري حماده هلال الجمهور العربي بعد حديثه عن كون أغنية “عيش بشوقك”، التي قام بغنائها زميله تامر حسني تعود له بالأساس.
وقال الفنان حمادة هلال، في حوار له مع الإعلامية أسما إبراهيم، في برنامج “حبر سري”، أن أغنية “عيش بشوقك” تعود في الأصل له: “قعدت 6 شهور وتعبت فيها والمؤلف والملحن عارفين ده كويس، وانشغلت بمرض أمي الله يرحمها أسبوعين أو تلاتة بعدها رجعت يلا يجماعة نشتغل فجأة لقيت الغنوة راحت في حتة تانية، وكلمتهم قولتلهم يا جماعة دي بتاعتي وحقي ده حرام.. الفكرة إني عطلتها عشان كنا قاريين فاتحة عشان حد معين هيكون الموزع فاستنيناه لغاية ما لقيتهم اشتغلوا فيها قولتلهم هي الفاتحة بتمشي على الموزع وأنا لأ؟ “
وأضاف: “وكنت أقدر أزعّل الناس دي كان ممكن أنزل تاني يوم بالأغنية عالسوشيال ميديا بس أنا قولت أعمل ليه كده.. مش هنسى الفترة دي أمي الله يرحمها كانت حاسة بيا قولتلها غنوة شقيت عليها وأنا كنت فرحان بيها وبنتي كانت معايا فيها فـ الشيطان قالي انزل بيها ودي بتاعتك وحقك ومجهودك فـ قولت لأ ويارب انت اللي عالم “
وأشار حماده هلال، إلى أن ملحن وكاتب “عيش بشوقك”، ذهبا للفنان المصري، تامر، لتقديم الأغنية، قائلا: “اللي زعلني إني اتواصلت معاهم وقلتلهم الأغنية دي بتاعتي لأنهم خدوها وفكرت أنزل الأغنية على السوشيال ميديا لأنها بتاعتي ومجهودي بس قلت بلاش وربنا اللي عالم”.
