شاب يهرب من حفل خطوبته انتقاما.. ومواقع التواصل الاجتماعي “تفضحه”(صورة)

شاب يهرب من حفل خطوبته انتقاما.. ومواقع التواصل الاجتماعي “تفضحه”(صورة)

أثارت قصة فتاة مصرية تدعى نهال شعبان جدلا واسعا على مواقع التواصل الاجتماعي بسبب النهاية الغريبة التي انتهى بها حفل خطوبتها.

ونشرت نهال على أحد القروبات في موقع التواصل الاجتماعي “فيسبوك” قصة خطوبتها التي لم تكتمل بسبب بتصرف خطيبها وأهله الصادم، إذ ادعى أثناء الحفل بأن خاله مريض وأن عليهم الذهاب إليه، دون أن يلبسها الشبكة (الذهب).

وقالت نهال أنها تفاجئت بعد ذهابه بأنه أخذ “التورته” معه، مشيرة إلى أنه كانت بينهما بعض الخلافات ومع والدته أيضا،  لكنها خلافات عادية تحصل بين الجميع، لذلك لم تكن تتوقع أن يحصل معها ذلك، حتى بعد أن جاءها قبل أيام وأخذ منها خواتم الخطوبة بدعوى أنه يريد أن يلبسها لها في الحفل مع “الشبكة”: “أنا كان مقررا فتحتي زي ما كله عارف على مصطفى وخطبتي كانت يوم السبت، اللي فات المفروض كان بينا مشاكل زي أي اتنين عاديين مع مامته بقى وخلافات بتحصل أول ما طلب حاجة وقولت دا عادي بيحصل بس الي متخيلتش إنه يحصل إنه يسيبني في القاعة لوحدي.. اتفاجئت إنه مش عازم صحابه ولا قرايبه كلهم وحسيت في حاجة غلط حتى مامته وأخته مفيش.. واحدة فيهم جت باركتلي وقلت أمشِّي اليوم”.

وأضافت:”كل ما أقوله فين الشبكه اللي هنلبسها يقولي أصل اتكب عليها شربات أصل وقع جاتوه عليها.. طب خليها بعد البوفية وكلام كله غريب كدا لحد ما دخلنا بعد البوفية لقيت أهله كلهم مشيوا.. وقال أيه خالوا تعب! فييقوم أهله كلهم يمشوا وأنا في القاعة لوحدي بدور عليه الاقيه بيصرخ برا ويقول خالي عيان وبيطلم وحاجات غريبة كدا وأنا أقسم بالله ما مستوعبة اللي بيحصل هو في واحد خاله عيان عيلته كلها بتمشي؟، الستات اختفوا، بس كانو بيهزروا فوق، نسوا العيان”.

وتابعت : “والأنيل إننا اكتشفنا إنهم أخدوا التورت معاهم طب مش خالك عيان.. أخدتوا التورت معاكم وملبستنيش شبكة.. وقبل كل دا بأيام جالي البيت وأخد التوينز بتاعت قراية الفاتحة بحجة إنه عايز يلبسني كله مرة واحدة في القاعة وأنا هبلة وافقت مجاش في بالي للحظة واحدة انه هيعمل فيا كده”.

وعبرت نهال عن غضبها من الطريقة التي قام بها خطيبها مصطفى من أجل فسخ الخطوبة بها دون مراعاة لنفسيتها والضرر الذي خلفه لها ولأسرتها:” دلوقتى حبه أقول كل دا عشان ايه؟ كان ممكن ننهي بالمعروف من غير أذى نفسي ليا.. كان ممكن تسترجل وتيجي تقولي يلا نفركش وكنت لغيت الخطوبة.. مش جي وبترقص وتقولي محضرلك مفاجأة.. وفي نيتك تعمل فيا كدا.. حسبي الله ونعم الوكيل”.

وقد أثارت قصة نهال تعاطفا كبيرا، حيث تصدر هاشتاق “مصطفى أبو تورته” موقع “تويتر” لساعات إذ انتقد الآلاف خطيبها ووجهوا له كلاما قاسيا.

 

 

ز
نُشر
< السابق
التالي >